ట్రంప్ కి మోడీ అభినందన

ప్రధాన మంత్రి నరేంద్ర మోదీ గురువారం అమెరికా అధ్యక్షుడు డొనాల్డ్ ట్రంప్‌తో ఫోన్‌లో మాట్లాడారు. గాజాలో చారిత్రక శాంతి ప్రణాళిక విజయంపై ప్రధాని మోదీ ట్రంప్‌ను అభినందించారు. ఇజ్రాయెల్, హమాస్ మధ్య మొదటి దశ ఒప్పందం ప్రాంతీయ శాంతికి కీలకంగా ఉందని ఆయన పేర్కొన్నారు.
ఈ సందర్భంగా వాణిజ్య చర్చల పురోగతిని కూడా సమీక్షించారు. మోదీ, ట్రంప్‌ స్నేహపూర్వక సంబంధాలున్నట్లు, రాబోయే వారాల్లో మరిన్ని సమీక్షలు జరగనున్నట్లు తెలిపారు.
ఇది ఒక నెలలోనే మోదీ-ట్రంప్ మధ్య రెండవ ఫోన్ సంభాషణ. సెప్టెంబర్‌లో ట్రంప్ ప్రధాని మోడీకి పుట్టినరోజు శుభాకాంక్షలు చెప్పారు. గాజా శాంతి ప్రతిపాదన 20 పాయింట్లతో రూపొందించబడింది. ఇజ్రాయెల్ ప్రధాని బెంజమిన్ నెతన్యాహు నేతృత్వాన్ని మోదీ ప్రత్యేకంగా ప్రశంసించారు.
గతంలో అమెరికా మధ్యవర్తిత్వంలో ఇజ్రాయెల్, హమాస్ మధ్య ఒక ఒప్పందానికి వచ్చారు. ఇది పాలస్తీనా ప్రాంతంలో శత్రుత్వాన్ని తగ్గించడంలో ప్రధాన దశ అని ట్రంప్ ప్రకటించారు.